Responde Cavite - COED, BIGONG MAKAPAGTAPOS NAGBIGTI

COED, BIGONG MAKAPAGTAPOS NAGBIGTI

Noveleta, Cavite – Isang binatang iskolar ang di umano’y nagpakamatay matapos hindi mapabilang sa listahan ng magsisipagtapos sa kanilang paaralan kamakailan sa nasabing bayan.

Ayon sa ulat ni Senior Police Officer 4 Meynard C. Genuino, na siyang may hawak ng kaso, depresyon ang hinihinalang pinaka-ugat kung bakit nagawa ni Mark Ronald A. Bagtas, 21, na kitilin ang kanyang sariling buhay nitong nakaraang Biyernes.

Ayon pa sa imbestigasyon, natagpuan si Bagtas na nakabigti at wala ng buhay sa kusina ng bahay ng kanyang lolo, Ponciano Alonzo, dakong 4:00 ng umaga sa Barangay San Jose ng bayan ng Noveleta.

Ayon sa impormasyon ng pamilya ni Bagtas, malamang ay nagbigti ang binata habang lahat sila ay mahimbing na natutulog. Gumamit ang binata ng nylon cord sa kanyang pagbigti.

Si Bagtas ay estudyante ng Polytechnic University of the Philippines (PUP – Manila) sa kursong B.S. Marine Transportation.

Ayon naman sa mga magulang bi Bagtas, inaasahan nilang kasama ang kanilang anak sa pagmartsa sa darating na graduation at hanggang sa araw na pagkamatay nito ay dun lamang nila napag-alaman na hindi pala ito kasama sa magmamartsa, marahil di umasno ay hindi na nito kinaya na ipaalam pa sa kanyang mga magulang..

Ayon sa record, ito na ang ika-dalawang kaso ng pagpapakamatay sa Cavite sa loob lamang ng dalawang araw. Ang isa ay estudyante rin na kinse-anyos na nagbigti rin dahil sa pagkakaroon ng mababang grado.

Ibang mga balita...

Mga Artikulo...

Cavite News - Risponsable, Risonable Ang Responde Cavite

COED, BIGONG MAKAPAGTAPOS NAGBIGTI

Ibang mga balita...

Mga Artikulo...