Responde Cavite - DepEd, nagbabala sa gastos at pamumulitika sa graduation

DepEd, nagbabala sa gastos at pamumulitika sa graduation

Nagbigay-babala ang Department of Education (DepdEd) sa lahat ng mga pampublikong mataas at mababang paaralan na gawing payak at hindi magarbo o magastos ang parating na pagtatapos sa lahat ng paaralan na magaganap mula Marso 29 hanggang Abril 9, 2010 ng taong kasalukuyan.

Binanggit din sa nasabing kautusan na mahigpit na ipinagbabawal ang anumang gastusin o singilin na labas sa akademikong proyekto, maging ang paniningil ng graduation fee o anumang kontribusyon. Maaaring mag-solicit o mangolekta ng kaunting halaga ang PTA sa mga kasapi nito at dapat detalyado itong maiulat sa susunod na pagpupulong. Hindi dapat humawak ng kahit magkanong halaga ang paaralan, guro man o administrador na may kinalama sa graduation.

Simpleng pananamit lang ang kinakailangan ng mga mag-aaral at magulang na magsisidalo sa pagtatapos. Gayunman, maaaring gumamit ng toga ang mga magsisipagtapos sakaling mapagkasunduan ng PTA at dapat eksaktong halaga lamang ng toga ang sisingilin.

Tinututulan ng DepEd ang pagsasagawa ng pagtatapos sa mga mamahaling lugar at hanggat maari, sa loob na lamang ng paaralan gawin. Ipinagbabawal din ang pangangampanya ng sinumang kandidato o politiko sa panahonn ng pagtatapos upang manatili itong sagrado.

Ibang mga balita...

Mga Artikulo...

Cavite News - Risponsable, Risonable Ang Responde Cavite

DepEd, nagbabala sa gastos at pamumulitika sa graduation

Ibang mga balita...

Mga Artikulo...