Responde Cavite - 1 PATAY, 1 nawawala 2 MARINES TINAMBANGAN

2 MARINES TINAMBANGAN

Ternate, Cavite - Patay ang isang sundalo ng Philippine Marines habang nawawala naman ang isa pa nitong kasamahang sundalo dahil sa naganap na pananambang ng mga di pa nakikilalang salarin sa nasabing bayan kamakailan.

Kinilala ng pulisya ang napaslang na si 2nd Lt. Lowell Hobinario, 28, tubong Mandaue, Cebu habang nawawala naman si 2nd Lt. John Santiago, 24, tubong Quezon, Palawan, na kapwa nakadestino sa Marine Base Training School sa Ternate.

Ayon sa ulat ng pulisya, nitong nakaraang Lunes dakong ala 7 ng gabi, habang pabalik ng kampo ang dalawang sundalo sakay ng motorsiklo ay hinarang ang mga ito at pinagbabaril ng mga di pa nakikilalang lalaki pagsapit sa Barangay Sapang I ng nasabing bayan.

Naisugod pa sa San Lorenzo Ruiz Hospital sa Naic, Cavite si Lt. Hobinario ngunit makalipas ang apat na oras ay namatay din ito dahil sa natamong tama ng bala sa tiyan. Samantala, hindi naman natagpuan si Lt. Santiago sa lugar na pinagyarihan nang rumesponde ang pulisya.

Isa sa mga hinihinalang may kagagawan ng pangyayari ang New People's Army ngunit ayon din sa imbestigasyon ay marahil kapwa sundalo sa Philippine Marines nasa likod ng nangyaring pananambang.

Patuloy namang nagsasagawa ng masu-sing imbestigasyon ang pulisya upang malaman ang tunay na dahilan at kung sino ang salarin.

nadia dela cruz

Ibang mga balita...

Mga Artikulo...

Cavite News - Risponsable, Risonable Ang Responde Cavite

2 MARINES TINAMBANGAN

Ibang mga balita...

Mga Artikulo...