NAGBABALA ngayon ang ilang kandidato sa lalawigan ng Cavite, particular sa low land sa malawakang benahan ng indilible ink!
Ayon sa isang campaign manager na ayaw magpakilala, isiniwalat nito sa Responde Cavite kamakailan ay inalok siya ng isang opisyal ng lokal Comelec ng indelible ink.
Nagulat pa umano ang campaign manager ng tahasan siyang alukin nito. Pero ganunpaman, magalang umano niyang tinanggihan ang alok ng opisyal.
“Matagal na ang pamilya naming sa politika, pero kailanman ay hindi naming ginawa ang mandaya o mang-abuso, dahil ito ang isa sa mga ipinaglalaban namin, ang madaya ang tao.” Pahayag ng campaign manager sa Responde Cavite.
Sinabi pa nito na kailanman ay walang tamis ang panalong galing sa daya. Dahil parang dinadaya mo na rin aniya ang sarili mo.
“Alam mo sa sarili mo na ayaw sa ‘yo ng tao. Hindi ka nila ibinoto. Tapos aangkinin mo ang karangalang hindi para sa ‘yo,” dagdag pa ng campaign manager.
Idinagdag pa ng nasabing campaign manager na kaya niya isiniwalat sa Responde Cavite ang ganitong katiwalian ay upang mabigyang-babala ang publiko.
“Mabuti na lang sana kung pareho ng pamilya namin ang mentalidad na ayaw sa likong gawain ng pulitiko ang aalukin ng indelible ink. Paano kung may masamang budhi ito?
Samantala, sa imbestigasyong isinagawa ng Responde Cavite, sa isinagawang panayam sa isang Election Officer (EO) na tumangging pangalanan, sinabi nito na talagang may nagaganap na bentahan ng indelible ink.
Lalo na aniya ngayon na mahihirapang makapandaya dahil automated elections na. Pati dagdag-bawas ay niya ay baka hindi makalusot kaya sa paglalagay na lang ng indelible ink maaaring makalusot ang mga kandidato.
Napag-alaman pa ng Responde Cavite na ginagamit ng mga kandidato ang indelible ink sa mga taong alam nilang hindi sila ang iboboto.
Lalagyan nila ng indelible ink ang daliri upang hindi na makaboto sa kalaban kapalit ng napagkasunduang halaga.
Napag-alaman pa ng Responde Cavite na ang kadalasang ibinebentang indelible ink ay mga natira nang nakaraang eleksyon.
“Kalimitan naman kasi hindi naa-account ang paggamit ng indelible ink.” Sabi ng EO, kaya. “Saka hindi rin naman masasabi kung ilan ang magagamit ng Comelec kaya hindi na ito nao-audit.”
Samant ala, hindi naman masabi ng EO kung magkano ang eksaktong halaga ng indelible ink.
“Kumporme kasi ‘yan sa demand,” anito. “Depende kung talagang kailangang-kailangan ito ng kandidato at kumporme din kung limitado lang ang indelible ink. Talagang mahal ito.”
Inamin din ng EO na ang talagang gumagamit ng indelible ink ay ang mga lokal na kandidato.
Mas malaki aniya ang magiging epekto nito sa lokal kaysa sa nasyonal dahil hindi na gaanong ramdam sa nasyonal ang isang-libo dalawang libong hindi makakaboto.
Pero kayang magpanalo ng lokal na kandidato ang ganoong bilang.
Nagkakatalo pa nga minsan sa single digit.
Samantala, nagbabala rin ang ilang kandidato at mga lokal na opisyal na maging vigilante ang taong taong bayan at bantayan ang pagbebenta ng indelible ink.
Tiniyak naman ni Rosario Mayor Nonong Ricafrente na mananagot ang sinumang tumangkilik sa indelible ink sa kanyang bayan. Bentahan man ito o paglalagay.
“Hindi ko hahayaan magkaroon ng puwang ang ganyang uri ng kalapastanganan sa aming bayan. Ang pagboto at pagpili sa lider ay isang sagradong bagay ng bawat mamamayan. Kaya hindi ko hahayaan mawala ito sa kanila.” Pahayag ni Ricafrente.
Ngayon pa lamang ay magtatalaga na ako ng magmamanman sa lahat ng sulok ng Rosario, at kung sinuman ang mahuling gumagawa ng ganito ay agad na dadakipin at pananagutin sa batas.
Ibang mga balita...
Mga Artikulo...
|
