Responde Cavite - Tensyon sa Amadeo!

Tensyon sa Amadeo!

Amadeo, Cavite – Nagkaroon ng tensyon nitong nakaraang eleksyon sa nasabing lugar matapos ang insidente ng pamamaril.

Kinumpirma ni Chief Insp. Willie Salazar ang naganap na pamamaril sa Amadeo Central Elementary School, na kaagad nirespondehan ng pulisya nang makarinig ng putok sa pinagyarihan.

Kinurdon ng pulisya ang lugar at sinukyur ang mga tao na nasa loob ng paaralan maging ang mga elekyon paraphernalia.

Dinala nila ang mga kagamitan sa Eleksyon, tulad ng PCOS machine at ER sa opisina ng Municipal Board of Canvassers.

Kasabay nito ay nawalan din ng kuryente sa lugar, na nagdulot ng kaba at takot sa mga eleksyon officer ngunit gayun pa man ay hindi naman naantala ang canvassing dahil may generator sa kanilang lugar.

Itinuturo naman si dating mayor OJ Ambagan na siyang nasa likod ng indiscriminate firing, dahil di umano’y di nito matanggap ang pagkatalo sa eleksyon ng kapatid na si JR Ambagan na tumatakbong alkalde sa nasabing bayan.

Itinatanggi naman ni dating mayor Ambagan ang paratang na sa kanila nagmula ang pagpapaputok ng baril, warning shot di umano ito ng mga pulis at hindi sila ang may kagagawan.

Bumuo naman ng investigative team ang pulisya upang imbesigahan ang tunay na motibo sa likod ng pagpapaputok ng baril.

NI JUN ISIDRO

Ibang mga balita...

Cavite News - Risponsable, Risonable Ang Responde Cavite

Tensyon sa Amadeo!

Ibang mga balita...